രാജകുമാരന്‍

കുത്തിയൊലിക്കുന്ന പുഴയുടെ തീരത്ത് ചീട്ടുകൊണ്ടൊരു കൊട്ടാരം

കൊട്ടാരതിനുമേല് കാറ്റുകൊണ്ട്‌ ദിശാസൂചി

മഞ്ഞു കട്ടകള്‍ കൊണ്ടു മിന്നല്‍ രക്ഷാ ചാലകം

ചെന്നായ്ക്കളില്‍ നിന്നു രക്ഷ നേടാന്‍ ആട്ടിന്‍ കൂട്ടങ്ങളുടെ കാവല്‍

ഉള്ളില്‍ ഞാനും എന്റെ രാജകുമാരിയും

ഞങ്ങള്ക്ക് പുതക്കാന്‍ മുളയാണി കൊണ്ടു കമ്പളം

കഴിക്കാന്‍ സ്വര്‍ണ നാണയം കൊണ്ടു ചോറ്

കുടിക്കാന്‍ കാഞ്ഞിരത്തിന്‍ നീര്

ശത്രുപാളയത്തില്‍ പുഷ്പ്പാര്ച്ചനക്ക് മൂന്നു പോരാളികള്‍

കക്കുന്ന കള്ളന് ഒരു ഓഹരി

അവനെ തടുതാല്‍ തടവറ

ശ്വാസത്തിന് നികുതി

ഉച്ച്വാസത്തിനു ചാട്ടയടി

ഉപകാരത്തിനു കഴുമരം

കുട്ടികള്‍ക്കെല്ലാം ചില്ല് മിഠായി

ഞാന്‍ രാജകുമാരന്‍ ,

ഭ്രാന്തിന്റെ രാജകുമാരന്‍ ......