ചൂണ്ടയിലെ ഇര

നെഞ്ചില്‍ കൊരുത്തൊരു ചൂണ്ടയെ

പറിച്ചെടുക്കാന്‍ നോക്കുന്നു ലോകം

കരക്കു പിടിച്ചിട്ട പരല്‍മീന്‍ കണക്കെ ഞാന്‍

പിടച്ചില്‍ ചൂണ്ടയില്‍ നിന്നുള്ള

വിടുതലിനല്ല

ആ ചൂണ്ട എന്‍റെ ജീവനാണ്

ചൂണ്ടയില്‍ കോര്‍ത്തത് എന്‍റെ ഭക്ഷണം

ആ ഇരയ്ക്ക് പ്രണയം എന്ന് പേര്‍

അത് നെഞ്ചില്‍ തറച്ചപ്പോള്‍

നേരും നോവും ഞാനറിഞ്ഞു

ഉടക്കി വലിക്കാന്‍ നോക്കുന്ന ലോകമേ തിരിച്ചറിക

ഇരയല്ല ഞാന്‍

പ്രണയ സാഗരത്തിലെ ഒരു കുഞ്ഞു മീന്‍

ഈ ചൂണ്ട എന്‍റെ പ്രാണന്‍

അതുപറിചെടുത്താല്‍ ഞാന്‍

കടല്‍ മീതെ ചത്ത്‌ ചാഞ്ഞു കിടക്കും

ഓളങ്ങള്‍ പിന്നെ എന്‍റെ വഴികാട്ടികള്‍

എന്‍റെ അവസാന മിടുപ്പിന്

ഒരു കപ്പല്‍ തകര്‍ക്കാനാകും

പ്രണയ തീയില്‍ വെന്തുരുകാന്‍ പ്രിയമെങ്കില്‍ ‍

വന്ന് ഈ ചൂണ്ടയെ പിഴുതെറിയാന്‍ നോക്കുക

പരാചയം വാ പിളര്‍ത്തുമ്പോള്‍

തലകുനിക്കാന്‍ തയ്യാറാവുക

ഞാന്‍ , ആ പരല്‍മീന്‍ നീന്തിനടക്കട്ടെ

ഈ ചൂണ്ട എന്‍റെ പ്രാണന്‍.